نازانم چەوگە یار تۆریاگە لێم
ئەیژی باخێکم ئاو بڕیاگە لێم
نازانم بۆچە نایتە سەر ڕێگەم
لە قار و قینی خەو شێویاگە لێم
هەر وەک شوانێ بەرخی گوم بووگە
شەش دەری بەختم جا بەسیاگە لێم
لە بەحری خەما وەک ماسی گومم
چۆن بێژم ئاخر چۆن لێویاگە لێم
ئەیژی مناڵم وا هەر ئەگیرم
زڕزڕەی بێشکەی دڵ دزیاگە لێم
لە داخی دووری ئەونە زامم هەس
حەکیم عاڵەمیش دەس شۆریاگە لێم
ناخم گیریاگە وەک مەلی ئەسیر
ناخیشم بەر بێت باڵ شکیاگە لێم
هەر وەک ڕێبواری له چلەی سەرما
بەفری باریگە ڕێ گێریاگە لێم
لطفا نظر خود را بنویسید